تجربة دزني لاند باريس
السلام عليكم ورحمة الله وبركاته
خلال فترة الصيف زرنا باريس ولازم بما اننا وصلنا لازم نزور دزني لاند مدينة الاحلام .. قررنا نقضي فيها يومين والافضل استغلال اليوم من بدايتة اي من الصباح الباكر
اليكم بعض النصائح وبعد تجربة مرينا فيه كنت اتمنى احد قالي عنهم قبل الزيارة
١- الملاهي تنقسم لثلاث اقسام
بارك : وفيه عدة ٥ اقسام بعد .. اللي لاحظته انه البارك فيه العاب اطفال اكثر وكان فيه شخصيات كثيرة يصورون معاه
الاستديو: وفيه ٤ اقسام بعد .. فيه العاب للكبار اكثر
القرية : فيه عروض اكثر ومحلات للبيع المنتجات منوعة اكثر .. صراحة مادخلت لها بس مريت مرور الكرام
٢- انصحكم بشراء التذاكر من موقع دزني لاند ، الطريقة سهلة ولا تحتاج سوا فيزا او ماستر كارد ، ميزة الشراء اون لاين التخلص من هم الصف طابور طويل عند الالعاب واستغلال الوقت والشي الاخر يقال انه اوفر بالسعر( بالنسبة لنا شرينا تذاكر البارك والاستديو ليومين ).وبعطيكم رايي بعدين وفيه معلومة وهي انك تقدر تشتري التذكرة باي وقت وصالحة لمدة سنة! في حال كان عندهم عروض وتناسب لا تفوتونها
٣-اول ما تدخلون اخذوا الخريطة مهمة مهمة و لازم تخططون طريقة اللعب كيف ؟ يعني كل الالعاب بتلعبونها ؟ عننا كنا تاهين بشكل ! خلانا نندم اننا ندخل بس شوي شوي فكرت وقلت خليني اسأل الموظفات ! دخلت وسولفت معها وقلت لها انصحيني وشو الالعاب اللي تنفع احنا يالكبار نلعبها ؟ وحددت لي بالخريطة كللل الالعاب بالقريتين ونصحتني نلعب عكس عقارب الساعة وشكرتها كثير ومشينا
٤- لازم تحطون ببالكم انه الانتظار عند الالعاب طويل طويل طويل ! انتظرنا ساعة واحيانا 45 دقيقه واحيانا اقل ، لكن الطوابير تمشي بسرعة لا تتفاجئون اذا شفتوا الطابور طويل ترى يمشي يمشي ، لان معظم الالعاب تركب مجموعة مع بعض .. لكن يظل الانتظار طووويل !
٥- وبسبب الانتظار الوقت يضيع ولذلك اللي سويناه حطينا في الشنط سناكات ( مكسرات ، فواكة ساندوتش صغير تشبسات ... اي شي يسد الجوع ) وكنا ناكل وقت ما ننتظر ! الكل كان كذا ، واحيانا اذا طلعنا من اللعبة نشوف العوائل معاها اكلها تاكل وبسرعه بسرعه تكمل اللعب
٦- موية فرنسا عذبة يعني نشرب من الحنفية علشان كذا موفرين حنفيات للشرب بكل مكان ، انصحكم تاخذون معاكم علبكم البلاستيك وتعبونها دايما،قريت بالنت الاكل غالي والالعاب اللي بالمحلات غالية بعد ، بالنسبة لنا ما اكلنا بس كنا ناكل ايسكريم من العربيات وكان ب ٤يورو وكان لذذيذ ! لايفوتكم
بالنسبة للشاي والقهوة كان معانا كوب ونطلب منهم موية حارة وكانوا يعطونا مجاني ومعانا قهوتنا السريعة التحضير والشاي ، مو لسبب بس ما يعجبنا الا اللي معانا وهالشي ريحنا
بالنسبة للشاي والقهوة كان معانا كوب ونطلب منهم موية حارة وكانوا يعطونا مجاني ومعانا قهوتنا السريعة التحضير والشاي ، مو لسبب بس ما يعجبنا الا اللي معانا وهالشي ريحنا
٧- سالت الرسبشن في الفندق عن سبب الزحمة وقال انه طول السنة دزني لاند زحمة ومافيه شهر تخف فيه
٨- مافي انترنت بالمكان بس بمكان الاكل وما كان قوي علشان تحسبون حسابكم
Single rider ٩- بعض الالعاب فيها خيار
fastpassوبعض الالعاب فيها
فكرتها بدل ما ننتظر عند الباب ٣٠ دقيقة .. نروح لجهاز عند اللعبة ندخل تذكرة الدخول حقتنا ويطلع لنا ورقة ثانية متى موعد دخول اللعبة لنا ،، يعني مثل حجز واذا جا وقتنا ندخل بمسار معين ونعدددي كل الناس ونصير بالمقدمة
١٠- لازم تخططون للعودة يعني بالنسبة لنا نحرص نرجع قبل غروب الشمس ( علشان نصلي وعلشان الوضع في الليل يكون فيه خطورة نوعا ما )وبالميترو الطريق ياخذ ٤٥ دقيقة الى ساعه، ولازم تسالون عن طريقة الوصول لدزني لاند من الفندق اللي انتو فيه .كنا نبدل بين الميترو اللي داخل باريس وننزل فيه منطقة معينة وناخذ مترو ياخذنا لخارج باريس يوصلنا لدزني لاند .
١١- اخر نصيحة معظم العاب دزني تلقونها بكل المحلات والسوبر ماركت والدليل لقيتهم حتى بلولو هايبر ماركت بربع السعر ، لذلك ما انصحكم تشترون من داخل الملاهي لان اسعارها مبالغ فيها
رأيي بعد التجربة
ـ عن نفسي ماعندي حب لدزني نفسها او شخصياتها ، وكنا رايحين لها فضول وحب للتجربة ،بعد ما لعبنا الالعاب ماكانت مخيفة والدليل انه فيه اطفال بالابتدائي كانوا باللعبة بعد ،سألت غيري اللي جرب دزني لاند وقالوا اللي بكاليفورنيا الالعاب مرعبة اكثر وفيه سن وطول معين للعب
ـ ما يسوى يومين، يوم واحد كفاية في حال تم التخطيط صح
ـ حسب الجو وقت ما تروحون انصحكم تلبسون طبقات بحيث لو احتريتوا تشيلون طبقة وتظلون بالوضع الامن
ـ انصحكم بجزم الرياضة ( تكرمون ) كانت سبب في راحتنا وتحملنا لفترة الانتظار الطويلة
يارب تكون الملاحظات واضحة وتفيدكم
علموني قد زرتوا دزني ؟ وايش رايكم فيها
ملاحظة(كل الصور من تصويري ماعدا صور اللعب المنفرد والمرور السريع )للتنوية
0 comments: