البرجر النباتي

November 28, 2017 Mix spices 2 Comments

السلام عليكم ورحمة الله وبركاته
زمان والله عن التدوين ، انشغلت الفترة الماضية ولكن ان شاء الله راجعة وبحماس اكبر
البرجر النباتي مو بس للاشخاص الناتيين ، هالمفهوم خاطئ ،الكل يقدر يستمتع بطعمة اذا تم صنعة بشكل صحيح
الانواع اللي موجودة في السوبر ماركت اقدر اقول 90% منها سيئ 
الطعم، علشان كذا حبيت اسويه بنفسي 
السر بالبرجر النباتي البهارات والاضافات تعطيه نكهه
احب اسويه دائما واحفظه بالفريزر لوقت الجوع او للأزمات
غني بالفيتامينات والمعادن والالياف 
ووسيلة علشان ناكل بعض الخضار اللي صعب نتقبلها سواءً الكبار او الصغار
بالنسبة لي ما اتقبل اكل الفاصوليا الحمرا او البطاطا الحلوة
لكن وجودهم في هذا البرجر مو واضح نهائيا وبالعكس طعمه لذيذ

الفاصوليا: غنية بالبروتين والمغنيسيوم والبوتاسيوم والالياف
البطاطا الحلوة: غنية بفيتامين دال والحديدوفيتامين سي والعديد
الرز الاسمر: غني بالحديد والمنغنيز زنك فسفور كالسيوم مغنيسيوم والعديد من الفيتامينات والالياف


المقادير ..


حبة بطاطا حلوة كبيرة نشويها بالفرن او نسلقها(نسيت اصورها)
حبة بصل كبيرة ابيض او احمر ما يفرق مكرملة على النار يعطيها طعم لذيذ لذذيد لذيذ او ممكن مشوية بالفرن
كوب ونص الى كوبين رز اسمر .. نقيسه بعد الطبخ
علبة فاصوليا حمرا او سودا
٣ فصوص ثوم مشوية او مبشورة
نص كوب شوفان او طحين بر
نص ملعقة صغيرة كمون ناشف ، كزبرة، بابريكا مدخنه او عادية، اوريجانو، فلفل اسود
ملعقة صغيرة ملح

الطريقة ..

نهرس الفاصوليا بشكل خفيف بحيث تكون خشنة شوي.. نضيف فوقها البطاطا الحلوة والبصل والثوم .. ونخلط كويس وبعدها نضيف البهارات والطحين ونخلط اخر شي نضيف الرز ونخلط بشكل خفيف ونحرص ما نهرس الرز كثير..



 في حال لاحظنا انه الخليط لين مرة اضيف طحين الى ان يتماسك.. ممكن بهالخطوة اذوق الخليط واشوف اذا ناقصة بهارات لان مافيه شي نيئ ممكن يضرني






نشكل الخليط دوائر ونحطه في صينية بالفريزر ونضغطه شوي.. واذا جمد احطه في كيس او علبة لوقت الاستخدام
لما نبغى ناكل ناخذ حبة نمسح عليها زيت خفيف وندخلها الفرن تتشقر بس ما يحتاج تستوي لان مافيها شي نيئ .


كيف اكلها؟
اكلها بساندوتش برجر .. او اشوحها على النار واقصصها واحطها اضافة للسلطة

اضافات...
ممكن اضيف كزبرة طازجة مقصصة تعطي طعم لذيذ او اي بهارات حابينها
ممكن تستبدلون البطاطا الحلوة ببطاطا عادية بس بتكون شوي عالية بالكربوهيدرات
ممكن تستبدلون الرز الاسمر بالكينوا
ممكن تغمسون البرجر بالبقسماط وتحطون شوي زيت وتطبخونها على النار يعطي قرمشة لذيذة
ممكن نشوح فطر طازج مقصص صغير على النار ونضيفه يعطي نكهه لذيذة
ممكن نضيف ذرة مشوية او ممكن نجيب طاوه على النار ونحط عليها ذرة مثلجة ونقلبها شوي شوي وراح تبدا تنشوي وتعطي اضافة لذيذة للبرجر

والعافية

2 comments:

  1. UnknownDecember 15, 2017 at 8:29 PM

    شكرًا لأنك شاركتينا الوصفة
    متحمسة أجربها ❤️

    ReplyDelete
    Replies
    1. Mix spicesJanuary 5, 2018 at 1:14 AM

      شكرا نورة يارب تنال على اعجابك ..

      Delete

Subscribe to: Post Comments (Atom)